Die huidige teelprogram by Mooimelk Koeihotel is gebaseer op die gebruik van toetssemen van Taurus se jong vaar-toetsprogramme in Irene. Toetssemen word gebruik omdat die prys per enkel buisie semen heelwat goedkoper isvergeleke met bewese vaarssemen. Die genetiese meriete van ‘n bultoets is hoog aangesien hierdie bulle die jongste genetika ter wêreld verteenwoordig.

Groepsgewys sal die getoetste bul se nageslag altyd beter presteer as die van die natuurlike bul, omdat bekostigbare natuurlike bulle geteel sal wees van die top 5% tot 15% beste koeie. Die tariewe vir toetsbulle (R30,000 elk) wat tot die Taures jong vaar-toetsprogramme toetree, is so te sê dubbel die prys van bulle wat aan kommersiële melkboere teen R15 000 per bul verkoop word. Daarom word toetsbulle gekies van die top 5% koeie gebaseer op prestasietoetse.