Welkom by die Mooimelk Koeihotel

Toerusting benodig vir Perdesport

Die regte keuse van toerusting kan lei tot groot plesier of dit kan lei tot ‘n gesukkel wat skade en frustrasie veroorsaak. Om die regte toerusting van die begin af te koop sal ook tot besparings lei omdat mens nie twee keer hoef te koop nie.

Deelname aan die uithourit sport is nie goedkoop nie, maar hoe meet mens die voordeel van ‘n gesonde familie sport? Wat is die waarde van gesonde tyds verdryf wat die jeug weghou van die heeldag se sit TV kyk? Is enige prys te duur as mens jou familie met die aktiwiteit bymekaar kan hou? Die sport lei enersyds tot fisiese gesondheid en andersyds tot geestelike balans by almal wat betrokke is, wat is die waarde daarvan? “Dan sê jy nog die sport is duur meneer?”

Toerusting benodig

Die volgende items kan deur deelnemers aan die uithourit sport benodig word. Let daarop dat nie al hierdie toerusting noodwendig ‘n vereiste is nie, baie mense kom weg deur slegs sekere noodsaaklikhede aan te skaf of self te maak. Elk van die volgende onderwerpe gaan verder volledig bespreek word.

Vir die perd is daar die volgende:

1. Saal	Noodsaaklik
2. Saalkleed	Noodsaaklik
3. Toom	Verkieslik
4. Borsplaat	Opsioneel
5. Halter	Opsioneel
6. Stert kous	Opsioneel
7. Been beskermers	Opsioneel
8. Sweet kombers	Opsioneel
9. Warm kombers	Opsioneel
10. Hoefysters	Vereiste

Vir die ruiter is daar die volgende:

1. Harde hoed vir kop beskerming	Verpligtend
2. Kamaste vir enkel en onderbeen beskerming	Verkieslik
3. Rybroek	Aanbeveling
4. Donkerbril of ander skerm vir oë se beskerming	Aanbeveling
5. Rugsak	Handig

By ruspunte word die volgende benodig:

1. Water emmer vir die perd	Noodsaaklik
2. Stetoskoop of hart monitor	Handig
3. Rakkie waarop die saal geplaas word	Handig
4. Tafeltjie vir goed neersit en stoele vir die Groom	Gerieflik
5. Water om perd mee af te koel	Noodsaaklik
6. Koelhouer met water en verversings vir die ruiter	Aanbeveling

By die huis waar die perd aangehou word:

1. Kampie waar perd loop en gevoer word	Noodsaaklik
2. Perdestal	Opsioneel
3. Oefening	Aanbeveling
4. Watervoorsiening	Noodsaaklik
5. Oefen roetes	Aanbeveling
6. Watter Horsebox om te kies	Opsioneel
7. Tente of blyplek by ritte	Opsioneel
8. Sleepvoertuig	Noodsaaklik

AFSLUITING

Hierdie aanbevelings is baie eenvoudig geskryf omdat mens nie ‘n boek oor elke onderwerp wil skryf nie. Dit dien dus slegs as riglyn en mens kan gerus by ritte meer uitvra om ‘n wyer bron van kennis tussen ervare ruiters te versamel. Ons hoop egter dat dit van waarde kan wees vir mense wat tot die sport toetree en onseker is oor wat hulle benodig. Onthou die uithourit sport se leuse is - “Lekker ry!!