‘n Lae bevrugting skaal onder Holstein koeie skyn ’n groot uitdaging te wees vir melkkuddes in die TMR-stelsel (Total Mixed Rations). Die bestuurspersoneel by Mooimelk Koeihotel het ’n hele aantal maatreëls in werking gestel om hulle bevrugting skaal te verhoog:

1. Die gebruik van toetssemen met dubbel sterkte spermselle (20 miljoen lewende sperm) per buisie semen teenoor die vereiste 7 miljoen.

2. Die maandelikse gebruik van ’n veearts om te verseker dat die koeie skoon en gereed is vir inseminasie.

3. Aanvulling van minerale, spoorelemente en vitamiene word deurlopend toegedien.

4. Die melkkoeie wat nie dragtig is wanneer hulle afgedroog moet word nie, word na die Paterson veldplase geskuif waar hulle by natuurlike dekbulle loop. Hierdie praktyk blyk suksesvol te wees omdat 80% van daardie koeie na 3 maande wel dragtig raak.

5. ‘n Bonus van R10 per koei vir die insemineerder vir elke koei wat deur die veearts dragtig verklaar word.

6. ‘n Bonus van R2 vir die hitte waarnemer wat tot die dragtigheid gelei het.. Daar word gemiddeld 350 koeie per maand in die Koeihotel geïnsemineer.

7. Inseminasie geriewe is onderdak sodat koeie nie in die son staan terwyl hulle wag om geïnsemineer te word nie.

8. Insemineerders en bronstige koei-uit kenners word op KI-opleidingskursusse gestuur om hulle vaardighede en kennis te verbeter.